Askebideen helburua haur bakoitzak bere barne mundua azaleratzea da. Horretarako arlo desberdinak jarri dira martxan, haur guztiak desberdinak direlako eta batzuek irudien bidez komunikatzea gustukoago duten bitartean, beste batzuek adibidez, gorputzarekin egitea nahiago dutelako
2023/12/09
Abenduaren 2an Euskararen egunaren harira, euskararen zuhaitz magikoa egin genuen Oiartzunen. Zuhaitz magikoa VEDIk sortutako ekimena da eta Haziakeko kideok euskarara eta Oiartzungo testuingurura ekarri dugu.
2023/11/13
Nolako herria amesten dute Oiartzungo haurrek? Galdera garrantzitsu horren bueltan aritu ziren herriko hainbat haur Maitri Ugalde sortzailearen laguntzarekin, beraien ametsak eta desirak paperetik paretara eramaten.
Ispiluen ahotsak, Ispiluak ipuina entzungai
2023/10/25
Ispiluen ahotsak audioipun bat da, Ispiluak ipuinari ahotsa eta soinuak jartzen dion audioa. Haziak egitasmoko kideak eta Etxegiroan atariko lagunak, Oiartzungo Udaletxearen laguntzari esker, mimo handiarekin sortutako emaitza da.
Hitzen arteko loturek narrazioak sortzen dituzte hemen. Fantasiazko munduak eta sentipenak nahastu eta konpartitzea ematen da gune honetan.
Pintzelak, margoak, papera, mihisea… ideiak irudien bitartez kaleratzeko adierazpidea da hau.
Norbanakoak barruan duen hori paperean eta ahozko adierazpenaren bitartez plazaratzeko sortua. Jendaurrean azaltzeko, norbere erritmoa eta tonua jartzeko bidea.
Gorputz guztiak desberdinak dira eta bakoitzak soinu berezia sortu dezake. Gorputzen mugimendu eta soinuekin zein perkusio instrumentuekin adierazpen sonoroak transmititzeko aukera ematen da bertan.
Hip Hop munduaren arlo bat da DJa. Musika eta erritmoaren bitartez haurrek DJaren mundua ezagutu eta nahi dutena adierazteko aukera izango dute barrua askatuz eta sorkuntza prozesua konpartituz.
Askebide honetan, haurrek adierazi nahi dutena, irudi eta hitzen bitartez hormetan azaleratzen dira. Irudien eta mezuen sorkuntzak modu kolektiboan bideratzen dira jabegabetzaren bitartez non guztion ahotsak, beharrak eta formak hartzen diren kontutan.
2016 · Haziak
Creative Commons BY-NC-SA 3.0
Webgune honetan dagoen edukia kopiatu, banatu, lan eratorriak sortu eta jendaurrean zabal ditzakezu, beti ere egiletza aitortuz eta baldintza beretan egiten baduzu.
